-->


Puisi Manggarai: Benca Le Momang Tanade Oleh Yohanes Don Bosco Gajeng

Foto: Yohanes Don Bosco Gajeng

Benca le momang tanade, kuni agu kalo ge

Pola lite neka gomal, kapu lite neka pa'u

Porong ita le di'a lewelen depasenan tana ge

Reje lele, kope oles tite one tanah Congkasae

Mait ga nai ca anggit agu tuka ca leleng


Benca le momang tanade, natas bate labar ge

Porong neka gege tite tendang le

Porong neka gagu tite tendang laun

Adir naid tite kamping Mori Jari

Toto molor tite kamping Mori Wowo


Benca le momang tanade, uma bate duat ge

Ite lawad tana, neka manga woleng bantang

Ite ase ka'e neka paengs woleng tae

Porong uwa haeng wulang, langkas haeng ntala tanade

Batirs ata balid, behas cengkang, congko ronggo do'ong


Benca le momang tanade, wae bate teku

Porong kembus nuhu wae teku, nahengn gejur

Agu mboas nuhu wae woang, carn sangged pala

Ase ka'e mait ga, selek kope agu pola bancik

Pande nera beang, jari dengkir tain Manggarai


Ruteng, 13 Januari 2022

Yohanes Don Bosco Gajeng


Editor: Ricard Jundu

Related Posts

Favorit Pembaca




Copyright © pikiRindu. All rights reserved.
Privacy Policy | About | Kontak | Disclaimer | Redaksi